1100s

Yn ystod y 1100au prif nodweddion y tir a adwaenir heddiw fel Parc Bute oedd y castell ac Afon Taf ac roedd yn cael ei ddefnyddio at ddibenion diwydiannau bach, crefydd ac amaethyddiaeth.

Roedd y gweithgareddau hyn yn adlewyrchu prif fasnachau Caerdydd ar y pryd a’i phwysigrwydd fel canolfan grefyddol.

1700s

Erbyn 1766, etifeddwyd y castell gan y teulu Bute cyfoethog ac erbyn diwedd y 1800au roedden nhw wedi dechrau datblygu’r tiroedd. Cyfunwyd y tir o amgylch y castell a chrëwyd gerddi pleser.

Bu Andrew Pettigrew yn gweithio’n agos gyda’r pensaer William Burgess i greu tirwedd a oedd yn cydweddu â’r gwaith addurnedig ar y castell.

1800s

Yn 1855 fe wnaeth y Teulu Bute gau Caeau Cooper i’r cyhoedd.  Ond yn 1857, cafodd Gerddi Sophia eu hagor i’r cyhoedd gan y teulu Bute i wneud iawn am wahardd mynediad cyhoeddus o dir ar ochr ddwyreiniol yr afon - Parc Bute nawr.

Dechreuodd Andrew Pettigrew weithio yn Ystâd Bute yn Nhŷ Dumfries, Swydd Aeron.  Cafodd ei benodi fel y prif arddwr i'r trydydd Ardalydd Bute yn 1873 gan weithio'n agos â'r Ardalydd a’i bensaer William Burges i osod tir y castell, Parc Bute nawr.

Ar ddiwedd yr 1800au cafodd y Bont Swisaidd a’r Wal Anifeiliaid a ddyluniwyd gan William Burges eu hadeiladu.

1900s

Ym 1947 rhoddwyd y castell a’r tiroedd gan Bumed Ardalydd Bute i bobl Caerdydd a chafodd y tir ei droi’n barc cyhoeddus a agorwyd ar 15 Ebrill 1949.