Sesiynau cadwraeth

Ymunwch â Cheidwad Parc Bute a helpu i gyflawni amrywiaeth o dasgau cadwraeth yn y parc.

Mae’r tasgau’n cynnwys:

• Clirio llwybrau
• Tocio mieri sydd wedi gordyfu
• Codi sbwriel
• Rhaca gwair
• Plannu bylbiau
• Torri canghennau isaf coed
• Tocio

Cysylltwch â ni i drefnu ar parcbute@caerdydd.gov.uk.

Rydym yn cyfarfod yn wythnosol ar ddydd Mawrth (2pm – 4pm) ac ar yr ail ddydd Sadwrn o bob mis (10.30am – 12.30pm).

Gwisgwch esgidiau call a dewch â menig os oes gennych rai. Cyflenwir yr holl declynnau ac offer.

Gwirfoddolwyr Blaen y Tŷ yn y Ganolfan Ymwelwyr

Mae gan Wirfoddolwyr Blaen y Tŷ rôl amrywiol, gan gynnwys y tasgau canlynol:

• Cwrdd ag unigolion a grwpiau.
• Rhoi cyngor a gwybodaeth i ymwelwyr am y Parc.
• Helpu i hysbysebu digwyddiadau.
• Cynorthwyo â thasgau i gefnogi’r gwaith o redeg y ganolfan bob dydd.

Mae sgiliau’r iaith Gymraeg yn ddymunol.

Gwirfoddolwyr Digwyddiadau Addysg

Mae Gwirfoddolwyr Digwyddiadau Addysg yn cynorthwyo'r Swyddog Addysg gydag ymweliadau addysg a digwyddiadau i deuluoedd yn y Ganolfan Ymwelwyr ac yn y parc. Mae gweithgareddau’n cynnwys helfeydd bwystfilod bach, cyfeiriannu a dysgu awyr agored. Fel gwirfoddolwr byddwch yn:

• Helpu i baratoi gweithgareddau,
• Helpu plant a rhieni/gofalwyr yn ystod digwyddiadau,
• Tynnu lluniau ac
• Annog ymwelwyr i lenwi ffurflenni gwerthuso.

Mae sgiliau’r iaith Gymraeg yn ddymunol.

Gwirfoddolwyr y Blanhigfa

Bydd gan wirfoddolwyr ym Mhlanhigfa Parc Bute ddiddordeb mewn garddwriaeth. Maent yn helpu gyda phlannu a pharatoi gwrychoedd. Mae hyn yn cynnwys cynorthwyo staff y blanhigfa gyda:

• Cadw’r siop yn lân ac ail-stocio’r siop
• Creu arddangosfeydd dros dro a basgedi crog i’w gwerthu.
• Cyflawni gwaith cynnal a chadw gan gynnwys potio, rhoi dŵr ac ati.

Grwpiau Corfforaethol a thargedau Cyfrifoldeb Cymdeithasol Corfforaethol

Cysylltwch â ni os ydych yn chwilio am gyfleoedd i’ch cwmni. Rydym yn aml yn gweithio gyda gwirfoddolwyr o Barclay Card a Thŷ’r Cwmnïau a phobl eraill.

Gallwn helpu chi i drefnu cyfleoedd i gyrraedd eich targedau Cyfrifoldeb Cymdeithasol Corfforaethol gan gynnwys:

• Clirio isdyfiant,
• Casglu sbwriel, a
• Phlannu coed.

Codi sbwriel a grwpiau gwirfoddoli eraill

Os ydych yn bwriadu codi sbwriel neu ymweld â’r parc fel grŵp neu sefydliad, cysylltwch â thîm Parc Bute ymlaen llaw. 

Mae angen i ni wybod pryd byddwch chi’n dod i’r parc er mwyn sicrhau nad yw’ch gwirfoddoli’n tarfu ar unrhyw ddigwyddiadau eraill yn y parc.

Bydd angen i ni sicrhau bod gan y grŵp asesiadau risg perthnasol ac yswiriant atebolrwydd cyhoeddus.

Os oes gennych ddiddordeb mewn digwyddiadau codi sbwriel o amgylch Caerdydd ewch ar wefan Cadwch Gaerdydd yn Daclus.