Camerâu Bywyd Gwyllt

Yn 2018 gwnaethom osod camerâu bywyd gwyllt i recordio fideo o’r llu o anifeiliaid sy’n ymweld â’r parc. O flychau bwyd adar a byrddau adar i’n cychod gwenyn ein hunain, mae llawer o fywyd gwyllt i’w weld.

Mae ein camerâu’n dilyn:

• Cychod gwenyn yn waliau’r blanhigfa.
• Ffau cadnoid yn y sied agored yn iard y blanhigfa.
• Polyn y blwch bwyd adar a’r bwrdd adar ar y gwelyau blodau uchel y tu ôl i’r Ganolfan Ymwelwyr.
• Dau safle bwydo draenogiaid – un dan do ac un awyr agored – yng nghefn y siop blanhigion.
• Nifer o gamerâu mewn blychau nythu ar y coed ar hyd terfyn y blanhigfa ac un ym mhrif adeilad y blanhigfa.

Mae’r camerâu bywyd gwyllt wedi rhoi cyfle newydd a chyffrous i wirfoddolwyr gefnogi’r parc. Gall gwirfoddolwyr helpu trwy edrych ar y fideo a gwneud recordiadau o ddigwyddiadau penodol o ddiddordeb (anifeiliaid yn bwyta, wyau’n deor, bwydo’r ifanc ac ati)

Mae’r recordiadau eisoes wedi gwella ein gweithgareddau addysg i blant ysgol gyda fideo o ddraenogiaid yn cael ei ddangos fel rhan o sesiwn draenogiaid a gaeafgysgu ym mis Tachwedd y llynedd. 

Gallwch fwynhau fideo byw ar-lein neu gallwch wylio ein diweddariadau bywyd gwyllt ar ein sianel YouTube. .