Celf ym Mharc Bute

Bydd y disgyblion yn archwilio Parc Bute yn chwilio am syniadau ac ysbrydoliaeth i greu eu gwaith celf amgylcheddol eu hunain gan ddefnyddio deunyddiau naturiol a gasglwyd.   Byddant yn cael cyfleoedd i adnabod ac archwilio lliw, gweadau, siapiau a phatrymau ym myd natur drwy gyfres o weithgareddau gan gynnwys:

• Gêm casglu lliwiau
• Creu celf gyda rhisgl
• Her y cylch mawr
• A llawer mwy o weithgareddau

. Archebwch sesiwn

Hanes a threftadaeth Parc Bute

Croeso i Barc Bute - calon werdd y ddinas.

Ewch am daith gerdded dywysedig o amgylch y parc i ddarganfod: -

• Beth sy'n digwydd yn y parc?
• Pwy sy'n gweithio yn y parc a beth maen nhw'n ei wneud?
• Pam mae parciau a mannau gwyrdd yn bwysig?
• Pa fywyd gwyllt fyddwn ni'n ei weld ar ein taith?
• Beth yw arboretum?
• Dewch i gwrdd â rhai o’r coed mwyaf o'u math yn y DU a darganfod beth sy'n eu gwneud yn bencampwyr.

Stopiwch wrth y pwyntiau Taith Antur Bywyd Gwyllt ar hyd y ffordd a chymerwch ran mewn cyfres o weithgareddau a gemau addysgol a hwyliog.

Archebwch sesiwn

Cartrefi a Chynefinoedd – Beth sy'n byw ym Mharc Bute?

Rydym am fod yn Dditectifs Coetir i ddarganfod pwy sy'n byw ym Mharc Bute.  Allwn ni ddod o hyd i unrhyw arwyddion neu draciau anifeiliaid?   Pluen, cnau wedi'u cnoi neu dwll mewn coeden?

Dysgwch am y gwahanol fathau o anifeiliaid sy'n  byw yn y parc - Gwiwerod, draenogod, llwynogod ac adar.

Dysgwch sut i'w hadnabod a darganfod pam maen nhw'n byw yn eu cynefin/cartref penodol.

Gwnewch arsylwadau gofalus am y creaduriaid a welwn ac chofnodi canfyddiadau. 

Archebwch sesiwn

Chwilio am anifeiliaid bach – bygiau, gwlithod a phethau sy’n gwingo

Bydd y disgyblion yn edrych mewn amrywiaeth o gynefinoedd i gasglu anifeiliaid di-asgwrn cefn sy'n byw yno.  Byddwn yn dysgu sut i drin anifeiliaid gyda pharch a gofal.

Bydd y disgyblion yn arsylwi ac yn dysgu am yr anifeiliaid di-asgwrn cefn yn eu hamgylchedd naturiol.  Sut maen nhw'n cuddliwio eu hunain a sut maen nhw'n symud o gwmpas.

Yn ystod y sesiwn dysgwch sut i ddefnyddio allwedd, siartiau adnabod a chwyddwydr i'w hadnabod.

Bydd y disgyblion yn cymryd rhan mewn cyfres o gemau a gweithgareddau i wella'r profiad dysgu gan gynnwys: -

• Gêm meimio anifeiliaid bach
• Swyno mwydod
• A llawer mwy

Archebwch sesiwn

Coed, coed a mwy o goed

Mae Parc Bute yn gartref i dros 3,000 o goed. Mae llawer yn rhan o'n Harboretum, casgliad arbennig o goed, sy'n cynnwys 40 o’r coed mwyaf o'u math yn y DU (Talaf a/neu ehangaf o'r rhywogaeth honno yn y DU).

Byddwn yn treulio amser yn archwilio coed ac yn ateb rhai cwestiynau:

• Beth yw coeden?
• Beth sy'n byw mewn coed?
• Beth yw arboretum?
• Beth sy'n gwneud coeden gampus?
• Pa goed sy'n fytholwyrdd, a pha rai sy'n gollddail?

Yn ystod y sesiwn byddwn yn chwarae gemau ac yn cwblhau gweithgareddau coed gan gynnwys archwilio dail, rhwbio rhisgl ac amcangyfrif oedran rhai o'r coed.

Archebwch sesiwn

Gemau coetir a gweithgareddau awyr agored

Bydd y disgyblion yn cymryd rhan mewn cyfres o gemau a gweithgareddau i archwilio'r parc ac yn defnyddio'r deunyddiau naturiol sydd ar gael i greu gludwaith ar y ddaear. Mae'r gweithgareddau'n cynnwys: -

• Casglwch 5 a gwnewch ludwaith naturiol
• Creu oriel gelf rhisgl
• Her tŵr brigau
• A llawer mwy

Cyfle gwych i weithio ar sgiliau cyfathrebu ac adeiladu tîm.

Antur ddifyr a lliwgar am degan meddal o'r enw Gerry'r Jiráff sy'n mynd ar goll ym Mharc Bute.

Archwiliwch y parc a chwiliwch am y cliwiau a grybwyllir yn y stori i helpu i ddod o hyd i Gerry a'i ffrindiau.

Mwynhau chwarae gemau a gweithgareddau i ddatblygu sgiliau a gwybodaeth ddaearyddol a dealltwriaeth o'r ardal leol.
Bydd angen i ddisgyblion fod yn gyfarwydd â'r llyfr cyn dod i'r sesiwn hon.

Archebwch sesiwn

Stori Jaci– Jiráff sy'n mynd ar goll ym Mharc Bute

Antur ddifyr a lliwgar am degan meddal o'r enw Jaci'r Jiráff sy'n mynd ar goll ym Mharc Bute.

Archwiliwch y parc a chwiliwch am y cliwiau a grybwyllir yn y stori i helpu i ddod o hyd i Jaci a'i ffrindiau.

Mwynhau chwarae gemau a gweithgareddau i ddatblygu sgiliau a gwybodaeth ddaearyddol a dealltwriaeth o'r ardal leol.

Bydd angen i ddisgyblion fod yn gyfarwydd â'r llyfr cyn dod i'r sesiwn hon.

Archebwch sesiwn

Fforiwr Afon Taf

Bydd disgyblion yn dipio yn yr afon o draeth ar Afon Taf i chwilio am greaduriaid sy'n byw yn yr afon ac yn dal, archwilio ac yn nodi'r hyn a welwn. 

Bydd y disgyblion yn cofnodi'r math o greaduriaid a nifer pob rhywogaeth i gyfrifo pa mor iach yw'r afon.                                  

Byddwn yn chwarae gêm y gadwyn fwyd ac yn darganfod hierarchaeth anifeiliaid yn yr afon a phwy sy'n bwyta pwy.       

Archebwch sesiwn

Gwenyn a phryfed peillio 

Darganfyddwch fyd pryfed peillio, eu rôl a pha mor bwysig ydyn nhw o ran helpu'r amgylchedd a'r byd rydyn ni'n byw ynddo.
Rydym yn ateb rhai cwestiynau am wenyn:

• Beth yw'r gwahaniaeth rhwng gwenyn mêl, gwenyn unig neu wenyn cacwn?
• Pa wenyn sy'n byw ym Mharc Bute?
• Sut mae gwenyn mêl yn gwneud mêl
• Beth mae gwenyn yn ei fwyta?

Bydd y disgyblion yn cymryd rhan mewn gemau a gweithgareddau hwyliog ac addysgiadol yn y parc.

Archebwch sesiwn

Cyfeiriannu

Bydd y disgyblion yn dysgu beth yw map a sut i ddefnyddio map a chwmpawd i lywio o amgylch cwrs cyfeiriannu syml.

Dysgwch sut i ddilyn cyfarwyddiadau a chydweithio.

Mewn grwpiau bach, gweithiwch fel tîm i ddatrys yr heriau a dod o hyd i'r 'trysor' sydd wedi'i guddio yn y parc.

Byddwn yn chwarae gemau ac yn gwneud rhai gweithgareddau hwyliog i atgyfnerthu'r sgiliau a ddysgwyd.

Archebwch sesiwn