Fandaliaeth i Barc Bute
Cyhoeddwyd 30th Medi, 2021Rydym am ddiolch i bawb am eu cefnogaeth anhygoel yn dilyn y fandaliaeth ofnadwy ddiweddar ym Mharc Bute.
Sefydlwyd tudalen Just Giving gan Berchennog Caffi’r Ardd Gudd ym Mharc Bute ac erbyn mis Ebrill 2022 roedd wedi codi £5k tuag at adfer y parc. Mae’r gronfa dorfol bellach ar gau ond gall pobl barhau i gefnogi’r parc yma. Hoffem ddiolch i Melissa a’r holl roddwyr a gefnogodd yr ymgyrch hon.
Bydd yr arian a godwyd yn cael ei drosglwyddo i Gyfeillion Parc Bute a’i ddefnyddio i blannu coed newydd yn lle’r coed a gollwyd oherwydd yr ymosodiad, y cafodd llawer ohonynt eu hariannu gan unigolion trwy gynllun rhoi coed Parc Bute. Gall unrhyw arian a fydd ar ôl gael ei ddal fel cronfa wedi’i chlustnodi gan Gyfeillion Parc Bute i ariannu coed newydd y bydd eu hangen ar ôl ymosodiadau fandaliaeth yn y dyfodol. Mae hyn yn creu rhywfaint o wydnwch a’r gobaith yw y bydd yn sicrhau nad yw darpar roddwyr coed yn cael eu rhwystro gan unrhyw risg barhaus o fandaliaeth.
![](https://bute-park.com/wp-content/uploads/21.09.10-Vandalism5-700x525.jpg)
![](https://bute-park.com/wp-content/uploads/21.09.10-Vandalism8-700x525.jpg)
![](https://bute-park.com/wp-content/uploads/21.09.10-Vandalism6-700x525.jpg)
![](https://bute-park.com/wp-content/uploads/21.09.10-Vandalism4-700x525.jpg)
![](https://bute-park.com/wp-content/uploads/21.09.10-Vandalism2-700x933.jpg)
![](https://bute-park.com/wp-content/uploads/21.09.10-Vandalism3-700x933.jpg)
Mae’n bleser gennym adrodd bod dau ddatblygiad cadarnhaol ar gyfer Parc Bute wedi deillio’n uniongyrchol o’r drasiedi hon:
- Rhoddwyd rhodfa coed ceirios newydd i’r parc Plannu rhodfa coed ceirios newydd ym Mharc Bute fel mynegiant o gyfeillgarwch parhaus rhwng Cymru a Japan – Parc Bute (bute-park.com)
- Mae’r parc wedi rhoi caniatâd ar gyfer prosiect plannu perllannau cymunedol newydd Perllan newydd ym Mharc Bute wrth i ddwy goeden gael eu plannu ar gyfer pob coeden a ddinistriwyd gan fandaliaid yn 2021 (newyddioncaerdydd.co.uk)
Mae’r datblygiadau hyn, a gychwynnwyd gan aelodau o’r cyhoedd, yn rhoi neges rymus o undod a gobaith. Yn ogystal â’r teledu cylch cyfyng a osodwyd yn y parc ac o’i amgylch ers yr ymosodiad, gobeithiwn y byddant yn gwneud i bobl feddwl ddwywaith cyn targedu parc agored i niwed sy’n eiddo i’r ddinas sy’n hoff iawn ohono.
Plannwyd y coed cyntaf mewn perllan gymunedol newydd ym Mharc Bute Caerdydd heddiw (30 Tachwedd) wrth i gynlluniau ddatblygu yn sgil ymosodiad fandaliaeth ddinistriol ar y parc ddechrau dwyn ffrwyth. “Parc Bute yn ‘Plannu ‘Nôl yn Well’ gyda rhagor o goed a pherllan gymunedol newydd“
![](https://bute-park.com/wp-content/uploads/Herbaceous-Border-Walkers-by-Kyle-jenkins-04.11.2021-700x467.jpg)
![](https://bute-park.com/wp-content/uploads/Orchard-Lawn-by-Kyle-jenkins-04.11.2021-700x1050.jpg)
![1. The Rt Hon The Lord Mayor of Cardiff Councillor Rod McKerlich 2. Mr. Keisaku Sandy Sano, Joint Chairman /Founder of the Sakura Cherry Tree Project](https://bute-park.com/wp-content/uploads/Sakura-Cherry-Tree-Project-–-Bute-Park-DSC_0158-700x1053.jpg)
![](https://bute-park.com/wp-content/uploads/bigstock-Ripe-Apples-On-Green-Grass-Fa-455699929-700x467.jpg)
![](https://bute-park.com/wp-content/uploads/21.09.10-Vandalism-improvments-700x525.jpg)
Darllenwch ran nesaf y stori yma yn y blogiad hwn Parc Bute yn ‘Plannu ‘Nôl yn Well’ gyda rhagor o goed a pherllan gymunedol newydd.
Wnawn ni ddim gadael i’r bobl hyn ddifetha ein parc.
Diolch yn fawr
Tîm Parc Bute
Darllen mwy
- Cardiff News Room 10.09.2021
- Cardiff News Room 20.09.2021
- BBC News 13.09.2021
- Wales Online 14.09.2021
- Wales Online 21.09.2021
- BBC News 05.12.2022
- Cardiff News Room 30.11.2022
- BBC Radio Wales 05.12.2022
Cafodd Rheolwr Parc Bute, Julia Sas, ei chyfweld yn fyw am yr ailblannu a’r berllan newydd gan Claire Summers ar sioe frecwast BBC Radio Wales 05-12-22. Mae’r sgwrs i’w chael 53:33 i mewn i’r rhaglen. Gwrandewch ar y cyfweliad drwy ddewis y pwynt amser hwnnw yma.