Cwestiynau ac Atebion Blackweir Live

Mae cerddoriaeth fyw yn ganolog i’n gweledigaeth i Gaerdydd.

Mae’r hyrwyddwyr lleol Depot Live, gan weithio mewn partneriaeth â Cuffe & Taylor, wedi cysylltu â’r Cyngor ynghylch defnyddio Caeau’r Gored Ddu i gynnal cyfres o ddigwyddiadau cerddoriaeth fyw awyr agored gydag artistiaid byd-eang yr haf nesaf.

Bydd y cynlluniau, sy’n amodol ar drwydded, yn helpu i gadarnhau statws Caerdydd fel lleoliad gigio hanfodol i artistiaid mawr, gan ddod â manteision economaidd sylweddol i’r ddinas, a darparu incwm hanfodol i’r Cyngor fuddsoddi yn ein parciau a’n helpu i barhau i hyrwyddo’r ddinas fel lleoliad cerdd.

Nac ydym. Mae’r cynllun ar gyfer cyfres fer o ddigwyddiadau awyr agored dros dro gydag artistiaid o’r radd flaenaf, i’w chynnal yng Nghaeau’r Gored Ddu. Ar hyn o bryd cynigir y digwyddiadau hyn am hyd at bedwar dyddiad yr haf nesaf.

Gallai’r capasiti fod hyd at 35,000 o bobl, yn amodol ar drwydded

Bydd gwybodaeth am artistiaid a thocynnau yn cael ei chadarnhau gan Depo Live dros 
y misoedd nesaf.

Byddan. Bydd y rhan fwyaf o 130 erw Parc Bute yn parhau i fod ar gael i’r cyhoedd drwy gydol y cyfnod hwn.

Fodd bynnag, bydd mynediad cyhoeddus i Gaeau’r Gored Ddu yn cael ei gyfyngu yn ystod y cyngherddau ac am gyfnod cyfyngedig y naill ochr i ganiatáu gwaith gosod a datgymalu.

Bydd manylion llawn unrhyw newidiadau mynediad yn cael eu hysbysebu ymlaen llaw.

Rydym wrthi’n trafod gyda chynghreiriau criced lleol i sicrhau cyn lleied â phosibl o darfu ar gemau.

Nid yw cynnal cyngherddau ar gaeau chwaraeon yn anarferol ac mae gofal arbennig yn cael ei gymryd i amddiffyn y sgwariau criced rhag difrod.  Bydd y dechnoleg a ddefnyddir yn y Gored Ddu yr un peth ag a ddefnyddir pan mae meysydd criced proffil uchel, fel Old Trafford, yn cynnal digwyddiadau.

Mae’r hyrwyddwyr digwyddiadau’n cymryd eu cyfrifoldeb am weithio yn lleoliad unigryw a gwerthfawr y parc o ddifrif.

Rhoddir ystyriaeth ofalus i unrhyw effaith amgylcheddol bosibl y gallai’r cyngherddau hyn ei gael a bydd mesurau’n cael eu rhoi ar waith, lle bo angen, i sicrhau bod unrhyw effaith ar fflora a ffawna yn cael ei leihau hyd yr eithaf.  

Bydd cyngor annibynnol hefyd yn cael ei geisio i sicrhau bod coed y parc yn cael eu gwarchod. 

Mae Parc Bute yn barc canol dinas sy’n cynnal digwyddiadau rheolaidd, gyda llawer ohonynt yn cynnwys cerddoriaeth fyw. Bydd trigolion a busnesau cyfagos yn cael eu hystyried, a bydd lefelau sŵn yn cael eu monitro bob amser.  Bydd unrhyw amodau trwyddedu penodol gofynnol yn cael eu bodloni.

Mae Caeau’r Gored Ddu yng nghanol y ddinas – maen nhw’n hawdd eu cyrraedd ar droed ac mae ‘na gysylltiadau trafnidiaeth gyhoeddus da, a bydd cynulleidfaoedd yn cael eu hannog i ddefnyddio’r rhain.

O ran traffig cerbydau, bydd trefniadau rheoli digwyddiadau a pharcio canol y ddinas yn cael eu rhoi ar waith ar gyfer y cyngherddau hyn.

Bydd yr hyrwyddwyr yn sicrhau bod polisi cynaliadwyedd cynhwysfawr ar gael ar wefan Depot Live m
aes o law.

Mae Parc Bute yn un o barciau mwyaf poblogaidd Caerdydd ac yn meddu ar Wobr fawreddog y Faner Werdd – yr anrhydedd fwyaf i barciau yn y DU – ar sail ei ansawdd. Mae cynnal y safonau uchel hynny yn wyneb pwysau parhaus ar gyllidebau’r cyngor yn heriol.

Ochr yn ochr â digwyddiadau poblogaidd a sefydledig eraill sydd eisoes yn cael eu cynnal ym Mharc Bute, bydd y cyngherddau hyn yng Nghaeau’r Gored Ddu yr haf nesaf yn cynhyrchu incwm hanfodol i’w fuddsoddi yn ein parciau ac yn ein helpu i barhau i hyrwyddo’r ddinas fel lleoliad cerdd.

Yn ogystal â helpu i wneud y ddinas yn lle bywiog a chyffrous i drigolion, gweithwyr ac ymwelwyr, dangosodd ffigurau cyn y gyfres gyntaf o gyngherddau’r Castell fod cerddoriaeth fyw yn cyfrannu tua £100 miliwn at economi Caerdydd bob blwyddyn.

Bydd y cyngherddau newydd hyn yn denu artistiaid byd-eang i chwarae yng Nghaerdydd ac yn sicrhau manteision economaidd sylweddol pellach i’r ddinas.

Mae cyngherddau maes glas, awyr agored yn boblogaidd gyda’r cyhoedd ac, y llynedd, daeth cyngherddau’r Castell â dros 80,000 o ymwelwyr i Gaerdydd o’r tu allan i Gymru. Ynghyd â chadwyn gyflenwi leol helaeth a 300 o swyddi rhan-amser ychwanegol yn ystod y cyfnod, cyfrannwyd £26.3 miliwn at economi’r ddinas.

Mae disgwyl i gyngherddau Blackweir Live greu 300 o swyddi lleol eraill yn ystod cyfnod y cyngherddau.

Mae’r cyngherddau’n rhan o’n gwaith parhaus, ochr yn ochr â Bwrdd Cerddoriaeth Caerdydd, i helpu i greu dinas gerdd fywiog gydol y flwyddyn lle mae pob lefel o’r sector cerddoriaeth – o artistiaid addawol a lleoliadau llawr gwlad i fyny – yn ffynnu.

Mae enghreifftiau o’r gwaith ehangach hwn yn cynnwys:

• Cyflawni ŵyl aml-leoliad ddiweddar Dinas Gerdd Caerdydd – gŵyl gerddoriaeth fwyaf erioed Caerdydd.
• Helpu i sicrhau dyfodol Clwb Ifor Bach.
• Helpu i ddod o hyd i gartrefi newydd ar gyfer lleoliadau fel Porters a Sustainable Studios.
• Cyflwyno grantiau cyllid cyfalaf newydd – sydd ar gael i bob lleoliad llawr gwlad yng Nghaerdydd.
• Cyflwyno ‘parth llwytho’ cerddorion yn Stryd Womanby.
• Penodi Swyddog Cerdd cyntaf erioed Caerdydd – sy’n ymroddedig i weithio gyda’r diwydiant cerddoriaeth.
• Cyflwyno cynllun datblygu talent ysgol ‘Gigs Bach’ newydd.

Mae’r hyrwyddwyr o Gaerdydd, Depot Live, yn gweithio ochr yn ochr â’r hyrwyddwyr rhyngwladol Cuffe & Taylor, sy’n gweithio gyda rhai o’r enwau mwyaf yn y diwydiant cerddoriaeth byd-eang – bydd y bartneriaeth hon yn adeiladu ar lwyddiant cyfres Cyngherddau’r Castell yr haf wrth i ni geisio cadarnhau statws Caerdydd fel lleoliad gigio hanfodol i artistiaid mawr cyn adeiladu’r arena newydd ym Mae Caerdydd.

Bydd cyngherddau Blackweir Live hefyd yn arddangos y dalent leol orau mewn slotiau cefnogi, gan roi sylw gwerthfawr iddynt gan gynulleidfaoedd newydd.